5 Passabarenna Napettu Assumpulolongengnge

Passabarenna Napettu Assumpulolongengnge Yanaritu :

1.      Tau engkae salaiwi agamana puang Allahu taala,yanaritu tau pettuengngi akkatenningenna riagamana puang allahu taala,makkedai puang allahu taala ri lalenna akorang malebbi’e

واعتصموا بحبل الله جميعا ولا تفرقوا واذكروا نعمت الله عليكم أذ كنتم أعداء فألف بين قلوبكم فأصبحتم بنعمته اخوانا

Pada akkettenin massekko ritulu teppettunna puang allahu taala( agama Islam ) na aja lalo musitabbure-
bureng, nennia engngerangngi pappinyamenna puang allahu taala ri iko. Rimunri puramu riyolo simusu-musu. Nainappa pada napaseddi atimmu puang allahu taala,nennia napancajtokko pada massilessureng nasaba pappinyamenna.

Akkattana ajakki engka pettui,nasaba narekko ripettui assumpungeng loloe,majeppu pettunitu dalle’e,macipini lolangengnge.

2.      Mompona Siri Atie, Naiyya siri atie natutu’i assi mase-maseangnge,napteddengngi sipa tongengnge,nasaba parellu pada ripahang makkeda naiyatu rupa tuae seddimi,nabie sebagai utusan napalettukengngi decengnge ,pettuiwi’i gau’na tau sisalae,sarekko ammengngi na namakessing paimeng hubunganna.

3.      Tau de’e nakkigunangngi akkalenna sibawa madeceng,simata nafsunnami naturusi, naita mariyawa tau laingnge,naita madongo maneng tauenassabari teddenni assisompungeng lolona ripadanna rupa tau,

Sining umma selleng malebbi ye engakae hadere’

Sitongeng-tongenna naiya asseddingnge padai seddie bangunan battowa degaga allalengenna maruttung,naiyakia teddengngi kekuatanna narekko deigaga asseddingengnge majeppu tajengni masolanna wanuae.

4.      Maladde’i napoji Lino, Tau engkae maladde napoji lino lennye’i assisompungeng lolona,nasaba maladde’ni napoji rupa duie nennia rupa taue,Siaga egana tau pettu hubunganna nassabari riyottogi rilino,

5.      Teddengngi pammasena  puang allau taala,yare’ga timakkeda mabelani dalle’e.Nasaba asseddingengnge saisai gau malebbi ripogau’ nasaba de gaga jama-jama riwatangi narekko engkaki pada masseddi jamai,narimakkuannanaro narekko makessing asseddingnge majeppunna assumpulolongnge makessittonitu jokkana,

Sebagai kesimpulanna pada loni mai nari pakessingi assumpulolongnge,naisambung paimeng lolo purae pettu, sarekko ammengngi naompo asennangengnge ri lino,nato salama ri ahera.

أسلم اعليكم ا ورحمة الله وبركته