(GHOZWUL FIKRI) Bahasa Bugis

السلام عليكم ورحمة الله وبركاته

الحمد لله رب العالمين والصلاة والسلام على أشرف الانبياء والمرسلين وعلى آله وصحبه اجمعين. أما بعد

Sining Tomalebbiku engkae hadere

Alhamdulillah sukkuruki mappoji lao risese arajanna Puang Allataala rimuka engkata muanneng nawereng umuru malampe nenniya tubu majjappa natopada engka hadere rilalenna iyyae onrong mabbarakkae sikira-kira pasilennerengngi pakkasiwi-yangnge lao ripuang Allataala,makkutoparo salawa nenniya pappasalama masse rinabikeng Muhammad saw. Nabi iya tiroangngi ummae pole ri abongngoreng’nge natollao ri tajanna aselleng’nge.

Hadirin hadirat engkae riamasei ripuang Allataala rilalenna iyyae kesempatang’nge kifuminasai malai pallise wettu ritujunna cara-carana,akkuraganna bangsa laing’nge hususna bangsa bara’e iya taniae selleng untuk solangiwi akkaleng madecenna uma selleng’nge(ghozwul fikri) iya mancajie usaha bettuanna iyya purae naminnasai siaga ettana sarekkuammeng namasolang agama asellengeng’nge iyagi nasolangiwi pole risaliweng makko toparo nasolangiwi pole rilaleng,nasaba napabelaini umma selleng’nge pole rituntunanna puang Allataala nenniya salompena Nabitta Muhammad saw. nassabarini naompo pahang-pahang maddupa rupang’nge iya dee nairisseng appongenna.

Napanessai Puang Allataala rilalenna Akorang Malebbie:

... وَلاَ يَزَالُوْنَ يُقَاتِلُوْنَكُمْ حَتَّى يَرُدُّوْكُمْ عَنْ دِيْنِكُمْ اِنِ اسْتَطَاعُوْا وَمَنْ يَرْتَدِدْ مِنْكُمْ عَنْ دِيْنِهِ فَيَمُتْ وَهُوَ كَافِرٌ فَأُولَئِكَ حَبِطَتْ اَعْمَالُهُمْ فِى الدُّنْيَا وَاْلاَخِرَةِ وَاُولَئِكَ اَصْحَبُ النَارِ هُمْ فِيْهَا خَالِدُوْنَ.

Bettuanna: Puradee napaja musuko gangka napalesummu (riakaferekeng’nge) benneng’nge pada naullei. Nigi-nigi murtad pole riagamana natakko pole amateng’nge rigau engkana kafere, majeppu ritu sia-sia maneng’ngi ritu amalana rilino nalebbifiha riahera, majeppu rekkuaro maradde’i rilalenna ranaka jahannama. (QS.Al-Baqarah 217)

Jaji parellui ripahang makkedae napatikeki Puang Allataala makkedae denawedding idi umma selleng’nge macaleoki, nenniya nasalewangiwi nia masalana agama laing’nge (non muslim) nasaba engka memeng’ni taroki rilalenna akorang malebbie. Narimakkuannanaro magi naparellu ripahang madeceng akkatana riyaseng’nge Ghozwul Fikri? iya mancajie proye loppona bangsa Yahudi neniya Nasrani.

Engkatu tellu mancaji passabareng naparellu ripahang madeceng riyaseng’nge Ghozwul Fikri:

Mammulanna: Narekko ripahang madeceng’ngi ritu, berarti najeppui toni bali tongeng-tongengna selleng’nge nenniya narekko denaripahang tentu denariulle pasilaingeng tega bali tega rangeng naggangkangi matti engka pole ri salasewwanna siyajing selletta mancaji pembantu, iyarega pembela pole risiagae egana rencana-rencana iya maladde’e makkasolang ritu.

Maduanna: Sarekkuammeng’ngi naripahang madeceng cara-cara nenniya rupa-rupanna pole risiagae egana akkata majana lao riasolangeng’nna umma selleng’nge iya engkae mallinrung pole riistilah-istilah modereng’nge pada-padanna emansipasi, modernisasi, hak asasi (HAM) demokrasi nenniya siagae egana istilah iya maddupa rupang’nge pabbetuanna tau accae.

Matellunna: Sarekkuammeng’ngi narilolongeng carana kaminang makanjae untu lesseriwi iyarega musui mewai balitta nato leppe pole riakkasolanna ritu naripogau mannenungeng iyae agamata agama asellengeng’nge gangka pole nafa pangollina Puang Allataala.

Hadirin Yang Berbahagia

Taroni ripannessangekki cara-cara napajokkae ritu bangsa bara’e iya taniae selling nenniya usaha-usahana untuk solangiwi selleng’nge iyanaritu naukkai onrong-onrong aggurung’nge (pusat-pusat pengkajian) ri Bangsa timur’e iya mappagurue iyanaritu orientalis, naundanni tau accana selleng’nge terutama pole ritau maloloe untuk magguru lamungiwi paddisengeng agamana (mengkaji) nasaba servis dan materi iya mappasau kininnawae, nenniya ri  paggurui agama menurut pahanna bangsa bara’e iya taniae selleng (orientalis) jaji narekko poleni generasinna selleng’nge magguru lesuni rikamponna nappaguruang’ngi pahanna riselessureng sellenna sendiri iya purae nattamai pahang sisalae petunjunna Nabitta jaji makkasolang’ngi ritu pole rilaleng polewe riselleng’nge sendiri rigau engkana denasadariwi alena akibat suntikan paham barat dan material, naiyya cara-carana iyanaritu:

1.   Tasykik: (napatompoi abata-abatangeng riajaranna Nabitta Muhammad SAW) mabberei pendapa iya engkae mappatiwi riabata batangenna nenniya atongeng-tongengnna ajaran agamata nasaba siagae egana konsep baru pada-padanna konsep negara Islam, konsep zakat dan hukum Islam tidak adil dan eksklusif Al-Quran ketinggalan jaman dan lain lain, asseleng napapolewe iyanaritu abata-batangeng riatongenna aya-aya’na Puang Allataala nenniya engkanna surona Puang Allataala gangkanna anatta maloloe matti narekko madodong’ngi paddisengeng agamana dena yaking riagamana. Zweemer seddie pastor kepala napoadai rilalenna seddie konferensi Al-Quds makkedae: “Mancajie kewajiban riseseta rilalenna negara maegaen sellenna Tania untuk pattamai riagama yahudi nenniya nasrani naiyakiya iya penting’nge pekkogi carana nasalaiwi agamana (murtad) sarekkuammeng’ngi mabelae pole ripuanna”.

2.   Tasywih: (Passalawui, pakabur’i nenniya manyukkanyui ajaran Islam) napompoi paham masalae riagamata makkedae pada-padanna iyaro ajaranna selleng’nge melle peru (sadis), Islam itu teris dengan jihadnya iyaro akorang’nge ketinggalan jaman. Jilbab’e ade’nami bangsa ara’e. Nateppui Nabitta Muhammad saw. napoji ladde makkunraie (Hyper Sex) dan lain-lain. Siturunni adanna Puang Allataala rimakkedanna:

وَمِنَ النَّاسِ مَنْ يَشْتَرِىْ لَهْوَ اْلحَدِيْثِ لِيُضِلَّ عَنْ سَبِيْلِ اللهِ بِغَيْرِ عِلْمٍ وَيَتَّخِذَهَا هُزُوًا اُولَئِكَ لَهُمْ عَذَابٌ مُهِيْنٌ.

Bettuanna: Engka pole ripallawangemmu tumenna sewwae tau poada ada de’e aggunanna untuk pakatulu-tului rupatau’epole rilalenna Puang Allataala rigau engkana denajeppuiwi. Neniya napancajiwi lalenna Puang Allataala akka’nyu ka’nyu majeppuni mennangro lolongeng’ngi paccalang mappetunae.(QS.Lukman (31): 6).

Jaji tau nakennae riyaseng’nge Tasywih dena najeppui alebbirenna nenniya atanrengenna agama asellegeng’nge gangkanna naseng’ngi alena matuna ri asellengenna malemmai riteppena. Padahal assitinajangenna malebbimi nenniya pasaumi rilalenna teppe nenniya asellengenna. Maselengmi narekko mashalewi ana’na naseng’ngi kampungang, masiri’i puttamai ana’nari pesantereng’nge nenniya nawereng’ngi ana’na aseng aseng modereng’nge naseng alena pada-padanna CRISTHI, MERY, MICHAEL nenniya rilainnae masiri’i tellai ana’na pada-padanna Abdullah, Muhammad Abduh, Amiruddin, Syaifullah dan lain-lain, naseng’ngi dena modereng.

Iyanae usahana cedde tacedde naiya kiya maddupa asselenna enreng’nge pengarunna risesena selleng’nge iyanae akkapang majana ripuang Allataala iyanaritu ampe kedona tau munafi’e iya ribaccie ripuang Allataala narampei puang Allataala rilalenna aqorang’nge:

وَيُعَذِّبُ اْلمُنَفِقِيْنَ  وَاْلمُنَفِقتِ وَاْلمُشْرِكِيْنَ وَاْلمُشْرِكتِ الظَّانِّيْنَ بِاللهِ ظَنَّ السَّوْءِ عَلَيْهِمْ دَائِرَةُ السَّوْءِ وَغَضِبَ اللهُ عَلَيْهِمْ وَلَعَنَهُمْ وَاَعَدَّ لَهُمْ جَهَنَّمَ وَسَاءَتْ مَصِيْرًا.

Bettuanna: Nenniya sarekuwameng’ngi naricalla tau munafi’e makkunrai’e nenniya orowane’e, tau mappaduwa orowane nenniya makkunrai’e rekkuwaro napahang majai puanna iyamanengnna ritu lolongeng’ngi abinasangeng iya masero ladde’e nenniya ritanroi ritu nenniya ripassadiyangeng’ngi ranaka jahannama namajeppu ranaka sijajana onrong arewekeng.(QS. Al-Fath (48): 6).

3.   Tadzib: (Assicampurukenna pahang’nge/generasi budaya)

Iyanaritu napasikorei ajaranna agamata sibawa ajaranna jahiliyae, sarekkuammeng’ngi selleng’nge ritonangiwi rihawa nafsunna, ripawellung’ngi ridosae nenniya riadorakang’nge gangkanna momponi istilah mappakatulu-tulu’e pada-padanna pacaran secara islami,nada dan dakwah, dakwah jenaka mencampuri dakwah yang suci dengan adegan dan goyang-goyang yang merangsang nenniya rilainnae.Allah berfirman dalam Al-Qur’an:

وَلاَ تَلْبِسُوا اْلحَقَّ بِالْبَاطِلِ وَتَكْتُمُوا اْلحَقَّ وَاَنْتُمْ تَعْلَمُوْنَ.

Bettuanna: Nenniya aja mupasicampurui anu tongeng’nge nenniya anu masalae nenniya aja musubbui anu tongeng’nge rigau engkana pada-pada muajeppui.(Q.S.Al-Baqarah (2) : 42)

4.   Taghrib: (Pembaratan/ampekedona ampekedo bara)

Narekko mattemenni cara-carana bangsa barae iyamanengna  riase purae rirampewe, tasykik, Tasywih, Tadzib mancajini ampekedo nenniya akkacoerenna pada dunia barat yang non muslim rilalenna  atuongenna carana mapparenta, carana mappangkaukeng, gaya hidupnya cara yahudi nenniya nasrani iya musueng’ngi da’wana selleng’nge padahal mereka masih mengaku sebagai Islam yang konsisten.

Sikuniro urapisi palettukeng’ngi rilalenna iyae kesempatang’ge mammuarei napabarakkai puang Allataala napassalamaki rilinota nenniya riaherrata.

وَبِاللهِ التَّوْفِيْقِ وَالسَّعَادَةِ.

السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

Oleh: Drs. Muh. Adnan Sanusi

MTs 1 Pa as'adiyah Edisi 3