Eksistensi Tobat Dalam Kehidupan

اَلسَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

اَلْحَمْدُ للهِ، اَلْحَمْدُ للهِ الَّذِى جَعَلَ التَّوْبَةَ فَلَاحًا. وَالصَّلاَةُ وَالسَّلاَمُ عَلَى أَشْرَفِ الْأَنْبِيَاءِ وَالْمُرْسَلِيْنَ سَيِّدِنَا وَمَوْلاَنَا مُحَمَّدٍ صَلَّى اللهُ عَلَيْهِ وَعَلَى آلِهِ وَصَحْبِهِ وَسَلَّمَ. أَمَّا بَعْدُ.

Sukkurukki mappoji lao risese arajanna Puang Allah Ta’ala nasaba pammase marajanna nawerekki yakni topada hadere rilalenna iyaewe onrongnge mabbarakkae, sikira-kira paddupai anu najellongekki Nabitta
Muhammad saw.

Rilalenna iyaewe wettu mabbarakkae upomenasai malai ada assiparengerangeng yanaritu "Nasesseki Ale Dosa Purae Napapole (Tobat)".

Narampei Puang Allah Ta'ala ri lalenna akorang malebbie:

{وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ} (النور: 31).

Bettuanna: Toba manekkotu mennang lao ri Puang Allah Ta'ala e... sininna tau mateppe’e barakkuamengi engkako mancaji tau laba.

{يَاأَيُّهَا الَّذِينَ ءَامَنُوا تُوبُوا إِلَى اللَّهِ تَوْبَةً نَصُوحًا}. (التحريم: 8).

Bettuanna: E… sininna tau mateppe’e tobaki lao ri Puang Allah Ta'ala nasibawai toba tongeng-tongeng.

Tennapodo Puammu natarimai atassalammu nainappa naputtamakko ri suruga pammasena iya simata nallarie uwai iya engka ri yawana.

Kalimat  التَّوْبَةُ بِمَعْنَى الرُّجُوْعُ إِلَى اللهِ : alisungenge lao ri Puang Allah Ta'ala.

Jaji de narewe seddie tau ri Puanna narekko de natoba ri sesena Puang Allah Ta'ala. (لاَ يَرْجِعُ وَلاَ يَتُوْبُ)

Iyaro toba’e waji’i risesena rupa tau’e. nasaba degaga seddi ata lesang pole di seddie dosa nadegaga pallolloona dosae sangadinna TOBA tapi de nasininna toba’e napangoloe atae ri Puanna natariamai Puang Allah Ta'ala engkapi risesena toba nasuhae/toba nasibawae wae mata, iyanaritu nappangoloanna dosa nasibawai assessekkale pelaiwi anu purae napogau iya sikira-kira makkasolangnge ri decenna, nasaba seddie dosa de naritobakeng nanrei amala’e padatoha akkanrena apie di pong ajue iya mannennee.

Makkedai Imam Al-Gazali:

1.      Itunui dosae nasaba api ranaka.

2.      Tallolloi dosae nasaba toba tongeng-tongeng.

Makkedai saisanna Anre Gurutta, tunui dosamu nasibawai wae mata barakkuammengngi natallollo.

اِغْسِلُوْا أَرْبَعًا بِأَرْبَعٍ.

Bissai eppa sewwa-sewwa nasaba eppa pabbissa:

1.      Bissaiwi rupammu nasaba uwai.

2.      Bissaiwi lilamu nasaba assikkiri.

3.      Bissaiwi dosamu nasaba toba tongeng-tongeng nasibawai wae mata.

4.      Bissaiwi atimmu nasaba tau’ tongeng-tongeng ri Puang Allah Ta'ala.

Makkedai Puang Allah Ta'ala:

{قَدْ أَفْلَحَ مَنْ زَكَّاهَا}. (الشمس: 9).

Bettuanna: Labai tau simata paccingiengngi alena.

Iyanaro nawaji ri tobakeng dosa-dosata atae nasaba narekko seddie dosa nassuluri (makkumpenni) nasaba amettangenna madosa nade natoba, yarega tobamui naekiya de nariaddampengeng ri Puang Allah Ta'ala. Jadi makkumpenni nassussummui de natallollo. Masussai tallao, mancajiwi tabiat (abiasang) mawatanni tattiroang ri decenge nasaba tattutuni atinna dena naullei pasilaingengngi maja’ – madecenge. Degaga wedding tolla abala’e sangadinna toba.

Majeppu toba’e ri salaiina dosae de nakulle ri tettang sangadinna ri munri ri irissenna  nasaba toba’e mancaji parentai pole ri Puangnge.

Najamingngi Puang Allah Ta'ala ri dosana atanna. Ri wettu:

1.      Engkana mupa Nabinna

2.      Simata tobanna atanna nasibawai wae mata

Syaranna toba’e naritarimai:

1.      Engkapi tau toba tongeng-tongengnge nappangoloang ri Puanna.

2.      Nabelainnai anu weddingnge papole dosa.

3.      Natarimai dosana nasibawai wae mata assesse kale ri gau pura napogau’e iya nassabarie namadosa.

Kesimpulanna, itarimanai dosata ri wettu tobatta kewajiban pole ri puatta.dan silahkan baca Gunana Sempajangnge Lao Riwatakkaleta

آخِرُ الْكَلاَم، وَبِاللهِ التَّوْفِيْقُ وَالسَّعَادَةُ،

اَلسَّلاَمُ عَلَيْكُمْ وَرَحْمَةُ اللهِ وَبَرَكَاتُه

Oleh:

Dra. SITI RABIAH LAMMING, M.Sos.

source materi dakwah islam mts pa 1 as'adiyah