Gunana Sempajangnge Lao Riwatakkaleta

السلام عليكم ورحمة الله وبركاته

الحمد لله رب العالمين والصلاة والسلام على أشرف الانبياء والمرسلين سيدنا وحبيبنا وشفيعنا محمد صلى الله عليه وسلم وعلى آله وصحبه اجمعين. أما بعد

Umma selleng malebbi engkae riamasei ri Puang Allahu Taala Alhamdulillah teppajai ripatarakka asukkurukeng marajata lao risese arajanna Puang Allahu Taala nasaba pammase marajana lao pada ridi maneng natoengkasi sita rupa rilalenna iyyae onrong mabbarakkae delaing akkatta iyanaritu pasilennerengngi pakkasiwiyang marajata lao ri Puang Allahu Taala, mammuare sininna akkatta madecetta teppajai nawale Puang Allahu Taala nasaba siagae egana pappedeceng iya weddingnge mancaji pappasalama roatuwo-tuwong linota lebbi-lebbipiha matti riatuwo-tuwong aheratta Insya Allah.

Umma selleng engkae hadere.

Iya maelo wala ada assiparingerangeng riolo alebbiretta maneng iyanaritu gunana sempajangnge lao riwatakkaleta yarega kesehatatta. Pertama-tama makkedai iyaro sempajangnge narekko maeloi ibina akkegunana temmaka egana naekiya meloe urampengekki iyanaritu gunana lao riwatakkaleta terutama kedo-kedota yarega gerakan-gerakatta riwettutta masempajang.engka siare-are tau maccata ritujunna kesehatangnge yarega tomakkeda pakar kesehatan engka pole riamerika, engka pole ri Belanda, Perancis, Kanada di antaranya engka yaseng Prof. DR. Andri, Prof. DR. Carl Laborice (dia bukan orang Islam). Natelitiwi carana umma sellengnge messempajang makkedae magi iyaro sellengnge nakko masempajangngi purasi tettong suju roko tudang magi nappakuaro. Ternyata riwettu purana nateliti maega ladde akkegunana uyaro gerakatta rilaleng sempajatta mappamula takbir ihramta lettu mabberesellengkki, di antaranya:

1.   Narekko totakbiratul ihram ipaseddiwi parengeratta lao ri Puang Allahu Taala degaga yengerang sangadinna Puang Allahu Taala,aga gunana yae lao riwatakkaletta, ternyata dengan takbiratul ihram weddikki nalaiwi pole rilasa gangguan jiwa yarega penyakit stress.

Menurut pendapat pakar ahli jiwa makkedae yero maega nasabari nakennai tauwe penyakit gangguan jiwa narekko talliwa egana maelo ripikkiriki nade nariulle pasiketta-ketta pikkirangnge. Jaji narekko to masempajang totakbiratul ihram mancajiwi latihan lao rialeta denatammega ladde ipikkiriki.

2.   Rileppenna duwae limatta rilebona arota, agatosi  guna iyyae lao riwatakkaleta, ternyata narekko ileppei duwae limatta rilebona arota narekko tomassempajang gunana iyanaritu ipa istirahat totali limatta nasaba yaro limatta iyenaro lanro aleta kaminang sibuk rilalenna tassiessoe agi-agi maelo ripugau melibatkan tangan.

3.   Ruku agatosi gunana iyae rokoe lao riwatakkaletta, menurut pengetahuan IPA makkedae iyaro idi rupa tauwe engka riwatakkaletta iyaseng tulang vertebrata yarega natomakkeda buku alekke. Iyae buku alekketta narekko denamabiasa ipakedo, ipalokkong ipalempu weddingngi nasabari nakaku narekko denabiasa ripakedo narekko matuani seddie tau weddingngi nasabari najekko buku alekkenna dena nariulle pallempui narekko mappakkuiro keadanna weddingngi papole siagae egana lasa ritujunna alekketta nenniya ariwita, narekko ipabiasai pakedoi nasaba tonrokona narekko tomasempajang Insya Allah weddikki nalawa pole risiagae egana lasa pura rirampengekki raase.

4.   Sujud akkegunana sujue lao riwatakkaleta iyanaritu weddingngi napalesang lasa peddi ulue, pusing atau pecahnya pembuluh darah di otak.

5.   Tahiyyat pertama gunana lao riwatakkaleta weddikki nalawai pole rilasa parise atau makkedai ugie balawo-balawong.

6.   Tahiyyat kedua akkegunana lao riwatakkaleta iyanaritu weddingngi nalawaiki pole rilasa pada-padanna impoten, ambeien, wasir dan sebagainya.

7.   Salam gerakan kepala kekiri dan kekanan riwettu mabbereselletta gunana memperlancar arus peredaran darah sekitar leher dan kepala nasabari natoleppe pole rilasa weddingnge kajajian riellotta.

Kesimpulanna taumaccata ritujunna kesehatangnge makkedae yero gerakan-gerakatta rilaleng sempajang termasuk dasar-dasar olah raga kaminang sukku dalam artian bahwa namoni barana dena to olah raga narekko makessingmui sempajatta padani narekko olah ragaki.nekiya maladde salana idi umma sellengnge narekko ipatujui olah ragae salah sempajangnge naudzu billah  minzalik.

Umma selling malebbie engkae hadere.

Iyanaro akkegunana sempajangnge riyalae pallise assiparingerangeng rilalenna iyyae wettu mabbarakkae mamuarei pada namaseiki Puang Allahu Taala nairulle  pannenungeng sempajang lima wettutta sibawa madeceng nariyakkegunang rilino nenniya riahera. Insya Allah Amin Yaa Rabbal Alamin.

وَبِاللهِ التَّوْفِيْقِ وَالسَّعَادَةِ.

السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

Oleh: Drs. Muh. Rais Arsyad

source meteri dakwah isla mts as'adiyah pa 1