Istiqamah (attugengkang)

Syukur alhamdulillah, nasaba pammasena Puang Allah Ta'ala nenniya apanginringenna lao pada idi mameng, gangkanna topada engka hadere rilalenna bolana Puang Allah Ta'ala, bettuanna onrong rionroie marengngerang lao ri Puang Allah Ta'ala.

اَلْحَمْدُ للهِِ رَبِّ الْعَالمَِيْنَ وَبِهِ نَسْتَعِيْنُ عَلَى أُمُوْرِ الدُّنْيَا وَالدِّيْنِ. وَالصَّلاَةُ وَالسَّلاَمُ عَلَى أَشْرَفِ الْأَنْبِيَاءِ وَالْمُرْسَلِيْنَ سَيِّدِنَا مُحَمَّدِ وَعَلَى آلِهِ وَصَحْبِهِ أَجْمَعِيْنَ. أَمَّا بَعْدُ، فَقَدْ قَالَ اللهُ سُبْحَانَهُ وَتَعَالَى فِى كِتَابِهِ الْكَرِيْمِ. أَعُوْذُ بِاللهِ مِنَ الشَّيْطَانِ الرَّجِيْمِ. {إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ}. 

Makkotoparo tenriallupai massalawa nenniya mappassalama lao ri ale malebbina Nabitta ia tiwie lampu mattappa teppe' mannennungeng.

Hadirin dan hadirat rahimakumullah.

Iyyamua maelo yapparengngerangeng ri lalenna iae wettue iyanaritu "Istiqamah (Tetap, kukuh, berpendirian dan tegak luru)". Istiqamah berasal dari kata bahasa Arab artinya tegak lurus. Bettuanna ada ipakkedde rigau engkana malempu. Menurut istilah agama (syariat) seorang muslim yang senantiasa menegakkan, mengamalkan dan membela tegaknya agama Islam secara konsisten dan berpendirian teguh pada jalan yang benar (حق) sedikitpun tidak memiliki kecenderungan ke jalan yang menyimpang kebatilan tanpa mengenal situasi dan kondisi.

Apakkeddekenna laleng malempue iyanaritu akkasiwiyyangena atae lao ri Puangnge. Nasaba iyaro rupa tauwe tau ripancajinna Puang Allah Ta'ala kaminang matanre (malebbi) ribanding toripancajinna.

Makkedai Puang Allah Ta'ala ri lalenna akorang malebbie pole ri sura Ali Imran ayat 51.

{إِنَّ اللَّهَ رَبِّي وَرَبُّكُمْ فَاعْبُدُوهُ هَذَا صِرَاطٌ مُسْتَقِيمٌ}.

Bettuanna:       Majeppu Puang Allah Ta'ala Puakku nenniya Puammutu mennang, rekkoero sompai mennang iyanae laleng malempu.

Jaji assompangetta lao ri Puangnge maeloi itegakkan nasaba iyaro laleng malempue, barakkuammengngi nassabari naccappuriki deceng tentu pada yamenasai manengngi maelo lolongeng riasengnge husnul khatimah (deceng paccapureng). Makkedai Puang Allah Ta'ala:

{إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ}. (فصلت: 30).

Bettuanna:       Majeppu wawang simata puadaengngi, Puakku Puang Allah Ta'ala, inappani naonroi adanna turunni dua tellu malaeka poadangngi makkeda, ajana mubata-bata nenniya ajatona mumetau ipacaddiorioi nasaba suruga pammase Puang Allah Ta'ala, iya pura najjanciangnge riikotu mennang.

Akkattana iyae ayae naelorekki simata pegau amala namoni ceddemuna maeloi simata ipabbiasa alewe pugau gau naporio'e Puang Allah Ta'ala supaya ricappa'na umuru'ta yarega ridangetta nasalowongiki malaika nenniya pacaddiorioki, gangkanna malemma isalai lino degaga susa denamasara pappenedditta nasaba koniro wettue pannessai tanra amaupeketta. Nenniya acilakangenna tasseddie tau tergantungi pole riabia-sangenna pangkaukenna tauwe narekko napubia-sangngi decengnge isnya Allah koritu matu naccappuri. Sebalikna narekko napubiasangngi pugau jae kotoitumatu naccappuri. Jaji konie saba'na parellui itegakkan decengnge pega-pegaki monro, apa' degaga tau missengngi alena uppanna maelo mate. Temmakkeda anana, tomatowa, tomawatang, tomalemma, tosogi, tokasi-asi, narekko narattei passuke'na pasti matei. Makkomatoro adangnge degaga missengngi alena madang apalagi adangengnge maega rupanna, wedding jaji mattengangngi jokka tabbuttu ajena nabuang matteru mate, engkato yaseng madang makkenre (mempe) wettunna maelo makkenre madang memenni letui riase naluru nabuang matteru mate, makkotoparo rilainnae iyanaro saba'na maeloi itegakkan riasengnge deceng barakkuammengngi naccappuriki natommuttama golongan padatoha narampewe ayae riase, makkedai Nabitta saw.

مَنْ كَانَ آخِرُ كَلاَمِهِ لاَ إلَهَ إِلاَّ اللهُ دَخَلَ الْجَنَّةَ.

Bettuanna:       Nigi-nigi ada paccappurengna kalimat La ilaah illallah muttamai suruga.

Konie ipaggangka bicarakku mudah-mudahan tampu'i barakka nassabari nariala paccappurengngi decengnge natosalama ri lino lebbi-lebbipaha alabangnge ri ahera.

آخِرُ الْكَلاَم، وَبِاللهِ التَّوْفِيْقُ وَالسَّعَادَةُ،

اَلسَّلاَمُ عَلَيْكُمْ وَرَحْمَةُ اللهِ وَبَرَكَاتُه