Puasa Di Tinjau Dari Segi Kesehatan

Narekko riutanaiki, maelokiga madising yarega sehat, bapak ibu maelokiga sehat, madising mannennungeng, tentu jawabatta maeloki. Makkotoparo paimeng narekko riutanaiki, ambo’ega mappadising iyarega Puang Allah Ta’ala. Tentu jawabatta makkedaki Puang Allah Ta’ala mappapaja yarega mappadising.

Sininna tau malebbiki engkae hadir.

Engka resep yarega obat napuadakki nabitta saw. narekko maeloki sehat, narekko maeloki majjappa, makkedai Nabitta saw.

صُوْمُوْا تَصِحُّوْا.

Bettuanna: Pada appuasaki natopada sehat (madising).

 Jaji napuadakki Nabitta saw. narekko maelokki sehat, madising nenniya majjappa nesseriki pada mappuasa. Naikiya idi umma sellengnge saisatta kurang percayaki, kurang yakikki, langsung akibatna silalona maelo riita, alupuretta, adekkangetta, arakkongenna tubutta nenniya arakkongenna iwweta irita. Padahal narekko riitai secara kenyataan risesena dottoro’e narekko engka pasienna maelo rioperasi, rata-rata risuro manengngi mappuasa yolo nainappa rioperasi. Dari inilah bisa dijadikan bukti nyata bahwa puasae maega ladde manfaatna ri sesena kesehatatta, maraja manfaatnya, battowa manfaatna risesena idi rupa tauwe khususnya idi umma sellengnge.

Sininna toriamase malebbiki engkae hadere.

Naikiyya harus ditumbuhkan faktor keyakinan ri tungke-tungke idi rupatauwe. Iyaro napannesangekki Puang Allah Ta’ala rimakkedanai:

وَاَنْ تَصُوْمُوْا خَيْرٌ لَّكُمْ اِنْ كُنْتُمْ تَعْلَمُوْنَ. (سورة البقرة: 184)

Bettuanna: Majeppu pada mappuasae masero decengngi, masero lebbiwi ri ikotu nennang narekko engkako pada missengngi pada majeppuiwi.

Jaji manessani nenniya marissengenni riseseta, narekko narekko ripapolei puasae baik ri sesena idi tau engkae lasata taisseng, makkutoparo idi de’e gaga lasata taisseng, nesseriki yakin, percaya nenniya tentuangengngi makkotoparo jasappettui rilalenna ati mapaccitta makkedae Insya Allah nassabari iyewe puasae umajjappa nenniya nassabari puasae umadising mannennungeng.

Hadirin yang berbahagia.

Seorang dottoro berkebangsaan Jerman pernah mengemukakan dengan melalui pembuktian: 70% faktor keyakinan, ateppereng nassabari nawedding majjappa tauwe, 20% faktor semangat, faktor psikologi, faktor jiwa nassabari namadising tauwe dan hanya 10% faktor obat nassabari namajjappa tauwe. Hal ini ia buktikan sendiri, mebbui obat pole ritarigue nappa sininna pasienna naparessai nalengngi obat, pasienna mateppe’e yakingnge, majjappa maneng, naikiyya pasienna dee namateppe, de’e nayakin degaga majjappa nasaba tarigumi bawang naibbu obat.

Hadirin yang kami hormati.

Berbagai macam Ahli pernah mengemukakan tentang hikmah puasa dilihat dari dimensi kesehatan, yaitu:

1.   Doktor Buchinger, telah melakukan pengobatan terhadap 2.500 orang penderita yang berhasil disembuhkan dengan cara berpuasa simata-mata. Hanya sekedar dikasih obat, pammulammi riwerengngi obat, matteru-terumi mappuasa.

2.   Celsus 2000 tahun yang lalu makkedai, puasa itu sebagai pembersih timbunan makanan dalam perut sehingga menyebabkan penyakit aneka ragam, ia terkuras selama menjalankan puasa.

3.   Seorang Dokter yang bernama Haris bin Khaldan berkata: Perut itu pangkal penyakit, menahan makan pokok utama pengobatan, iyanaritu perue onronna nenniya appongenna lasae, jaji narekko itahangngi anrewe yanaro indo’na, punca’na abburae.

Hadirin-hadirat rahimakumullah.

Rilalenna seddie kisah rirampei makkedae: surona Puang Allah Ta’ala purai riwereng Hadiah pole ri seddie Raja bernama Mucaocos 3 hadiah sebagai hadiah kenegaraan. Yamanenna iyyae hadiae berwarna pute maneng:

1. Seorang budak perempuan yang cantik yanaritu Mariyatul Qibtiyyah, ripubenei ri nabitta.
2. Keledai pute untuk napakei bepergian.
3. Seorang dottoro oromane, iyyae dottoro’e menganggur’I de gaga pasienna, degaga tau naurai, mattau-taung degaga tau mabbura, degaga tau malasa sehingga laoi makkutana rinabitta saw. Apa sih rahasianya Paduka, Kok umat sehat-sehat semunya, aga rahasiana najjappa-jappa sininna ummatta: mappebali nabitta makkeda:

 نَحْنُ قَوْمٌ لاَ نَأْكُلُ حَتَّى نَجُوْعَ وَاِذَا اَكَلْنَا لاَ نَشْبَعُ.

Bettuanna: Kami adalah suatu kaum, iyyae seddika wawang, seddika umma de natommanre gangka de’napa natomalupu, narekko manreki de tallallo-lallo essota.

Jaji narekko berpedomakki ri resepna Nabitta saw. Insya Allah weddikki sehat mannennungeng. Makkedai Puang Allah Ta’ala:

قال تعالى: كُلُوْا وَاشْرَبُوْا وَلاَ تُسْرِفُوْا، اِنَّهُ لاَ يُحِبُّ اْلمُسْرِفِيْنَ.

 (الاعراف: 31)

Bettuanna: Pada anreko nenniya enukko, aja muappatallebbi-lebbi, majeppu ritu Puang Allah Ta’ala de napojiwi tau mappatallebbi-lebbie.

Sebagai kesimpulan puasae weddingngi mancaji obat, weddingngi mappajappa, mappadising, napaccingiwi sininna lasae, nenniya kotorangnge ri lalenna babuata nasaba iyaro babuwae bolana yamanenna lasae.

اَلْبَطْنُ بَيْتُ كُلِّ دَاءٍ

Bettuanna: Babuwae onronna sininna lasae.

Narekko engkamui percaya, yakin, tentuang masse nenniya majjasappettu Insya Allah puasae nassabari nalesang lasaku nenniya Puang Allah Ta’ala mappajjappa.

آخر الكلام

وَبِاللهِ التَّوْفِيْقِ وَالسَّعَادَةِ.

السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ.
 Source  materi dakwah islam oleh Gurutta abdul Hannan Gatta pengasuh Mts as adiyah putra 1 sengkang